या कारणामुळे या महाराजांना लता मंगेशकरांसोबत करता आले नाही लग्न, दोघेही आजन्म राहिले अविवाहित
उदयपूर डुंगरपूर राजघराण्याचे राजसिंह आयुष्यभर अविवाहित राहिले. त्यांच्या आणि लता मंगेशकर यांच्या नात्याविषयी बरेच दिवस अनेक चर्चा रंगत होत्या. लता मंगेशकर यांचे भाऊ हृदयनाथ मंगेशकर आणि राज सिंह खूप चांगले मित्र होते. हे दोघे एकत्र क्रिकेट खेळायचे. राजसिंह मुंबईत लॉचे शिक्षण घेत असताना त्यांची भेट हृदयनाथ यांच्यासोबत झाली होती. राजसिंह यांचे लतादीदींच्या घरी येणे-जाणे सुरु झाले होते. बघताबघता राजसिंह यांची लता यांच्यासोबत खूप चांगली मैत्री झाली. असे म्हटले जाते, की राजसिंह यांनी आपल्या वडिलांना दिलेल्या एका वचनामुळे त्यांचे लतादीदींसोबत लग्न होऊ शकले नव्हते. मात्र त्यांची आणि लतादीदींची मैत्री नेहमीच चर्चेत राहिली.
एकदा क्रिेकेट खेळून झाल्यानंतर राज यांना लता यांच्या घरी चहासाठी बोलावण्यात आले होते. येथेच त्यांनी लता यांना पहिल्यांदा पाहिले होते. बघता बघता दोघांची चांगली मैत्री झाली. राज लता यांना प्रेमाने मिट्ठू म्हणून हाक मारायचे. त्यांच्या खिश्यात नेहमी एक टेप रेकॉर्डर असायचे. त्यामध्ये लतादीदींची निवडक गाणी होती. फावल्या वेळेत ते लता मंगेशकर यांची गाणी ऐकायचे. दिवंगत संगीतकार भूपेन हजारिका यांच्या पत्नीने लतादीदींवर आरोप लावला होता, की राजसिंह यांच्यासोबत नाते तुटल्यानतंर लता यांचे भूपेन हजारिका यांच्यासोबत प्रेमसंबंध होते.
क्रिकेटचा देव सचिन तेंडुलकरला टीम इंडियात आणण्याचे श्रेय राजसिंह डुंगरपूर यांना दिले जाते. जेव्हा सचिनची निवड पहिल्यांदा भारतीय टीमसाठी झाली होती, तेव्हा त्या निवड समितीचे प्रमुख राजसिंह होते. 1955 मध्ये रणजी करिअर सुरु करणारे राज यांनी 86 सामने खेळले.