पारंपरिक कॅंलेडरचा ट्रेंन्ड बदलतोय

 पारंपरिक कॅंलेडरचा ट्रेंन्ड  बदलतोय 

दि. ४ जानेवारी   २०२०

फेसबुक लिंक http://bit.ly/38bsMb7

             भविष्य, मेनू आरोग्य, ज्ञान, उपयुक्त साहित्य प्रत्येक पान, पंचांग शोभे सुमंगल सुभावे, भिंतीवरी कॅलेंडर असावे...’ नवीन वर्षाची चाहूल लागताच ओठी येणा-या या ओळी प्रत्येकाच्याच परिचयाच्या; पण आता मात्र ट्रेंड बदललाय. नवीन कॅलेंडरच्या स्वागतासाठी आतुर झालेल्या हॉलमधील खिळ्याची जागा आता स्वयंपाकघर किंवा दारामागच्या खिळ्यांनी घेतलीय. मात्र, मंदीमुळे यंदा कॉर्पोरेट कॅलेंडर आणि डाय-यांच्या व्यवसायात 30 टक्क्यांपेक्षा जास्त घट झाली असल्याचे दिसून आले आहे.

काळ बदलला असला तरी भिंतीवरच्या कॅलेंडरचे महत्त्व आजही तितकेच आहे. फक्त आजकाल पॉश बीएचके आणि टॉवर्समधील कॅलेंडर्सना आता हॉलऐवजी थेट स्वयंपाकघर किंवा बेडरूमच्या दारामागे आसरा मिळालाय इतकेच. हिंदी, मराठी, गुजराती, इतकेच नाही तर विदेशातील भारतीयांमध्ये पंचांगाला अजूनही तितकेच महत्त्व आहे. त्यामुळे विवाह, धार्मिक  तसेच अन्य कार्यक्रमांचे नियोजन करण्याच्या दृष्टीने पंचांग असलेल्या कॅलेंडर्सला 99 टक्के पसंती आहे कॅलेंडर्स म्हणजे संपर्क साधण्याचे एक स्वस्त माध्यम आहे. त्यामुळे लाखभर रुपयांची गुंतवणूक करून राजकीय पक्ष वा संस्था घरोघरी कॅलेंडर्स मोफत वाटप करतात. एकाच घरी तीन - तीन कॅलेंडर्स येतात., भिंतीवरच्या कॅलेंडरला मोटारीपासून ते आयफोन आणि आयपॅडसारख्या अत्याधुनिक गॅझेटमध्ये समाविष्ट केल्यानंतर आता कालनिर्णयने थेट गगनचुंबी टॉवर्समध्ये प्रवेश केला आहे तो अनोख्या ‘टायपोग्राफी’ कॅलेंडरने. आजकाल टॉवर्समधल्या घरांच्या भितीवर कालनिर्णय  लटकणे हे ब-याच जणांना पसंत पडत नाही. यामुळे अशा ग्राहकांसाठी टायपोग्राफी हे नवीन कॅलेंडर यंदाच्या वर्षी प्रायोगिक तत्त्वावर तयार करण्यात आले.
कॉर्पोरेट कॅलेंडर्सवरील निसर्गरम्य छायाचित्रांचे स्थान आता थीमवर आधारित कॅलेंडर्सनी घेतले आहे. मराठी महिने, स्ट्रेस मॅनेजमेंटसारख्या विषयांना कंपन्यांनी पसंती दिली आहे; परंतु त्याच्याच जोडीला ‘गो ग्रीन’ संदेश देणारे पर्यावरण आणि जनजागृती करणारे विषयही यंदाच्या वर्षी आकर्षण ठरले आहेत.

=========================

🥀ʷʰᵃᵗˢᵃᵖᵖ 9890875498* ☜♡☞

🎖 माहिती सेवा ग्रूप, पेठवडगाव  🎖       

●▬▬▬▬๑۩۩๑▬▬▬▬▬●

.            ጦඹիiᎢi