🏡घरासाठी कर्ज घेताय; जाणूनघ्या बेस्ट डील!

घरासाठी कर्ज घेताय; जाणूनघ्या बेस्ट डील! 

दि. २३ मार्च २०२१

फेसबुक लिंक http://bit.ly/2NLGOcl

🏡घर हे एक असे ठिकाण असते, जिथे आपल्याला सर्वात सुरक्षित आणि आरामदायी वाटते. त्यातही स्वतः चे घर असणे ही प्रत्येक भारतीयाच्या मनातली सर्वांत महत्वाची महत्वाकांक्षा असते. गेल्या दशकात भारतात मोठया शहरांमध्ये रियल इस्टेटच्या किमतींतील चढ-उतार पाहता, लहान शहरांमध्येही गृहनिर्माण क्षेत्रात लक्षणीय वाढ झाली आहे. मात्र तरीही परवडत नाही, असे म्हणत अनेक ग्राहक आपला निर्णय फिरवतात. त्यांच्यासाठी गृहकर्ज हा सर्वोत्तम पर्याय असतो. गृहवित्त संस्था व बँकांकडून मिळणारी अनेक प्रकारची गृहकर्जे उपलब्ध आहेत. यात काही प्रकारही असतात. योग्य तोपर्याय निवडून ग्राहक आपले स्वप्न साकार करू शकतो. 🏡

🏡 सरकारच्या पुढाकारामुळे गेल्या दोन वर्षात ग्रामीण आणि निमशहरी भागाच्या गरजा भागविण्यासाठी अनेक किफायतशीर गृहवित्तसंस्थांचा उदय झाला आहे. गृहकर्जामुळे घरखरेदी हफ्त्या-हफ्त्यात करणेच केवळ शक्य होते असे नाही, तर उत्पन्न कर कायद्याच्या सेक्शन 24 आणि 80सी अन्वये उत्पन्न करात व्यक्तीगत बचत करण्यासही याचा उपयोग होतो. ग्राहकांच्या विविध गरजांनुसार, गृहकर्जांचेही विविध प्रकार उपलब्ध आहेत.

🏡गृहखरेदीसाठीचे कर्ज:

या प्रकारचे कर्ज बहुदा सर्वसाधारण प्रकारचे असते. तयार अपार्टमेंट अथवा निर्माणाधीन घरांसाठी हे कर्ज घेतले जाते. सर्व बँका, अर्थ संस्था हे कर्ज देतात. आपण वाचत आहात माहिती सेवा ग्रूप पेठवडगावची पोस्ट  घराच्या बांधकामासाठी कर्जः ज्यांना आधीच बांधून घेतलेली सदनिका किंवा बंगला विकत न घेता आपल्या प्राधान्यानुसार व वैशिष्ट्यानुसार स्वतःचे घर बांधण्याची इच्छा असते, ते या कर्जाची निवड करू शकतात. या प्रकारचे कर्ज इतर गृहकर्जांपेक्षा थोडे वेगळे असते. कारण, कर्ज देणार्या संस्था आपल्या घरासाठी तसेच, जमीन किंवा भूखंड खरेदीसाठी निधी उपलब्ध करून देतातच असे नाही. याचा अर्थ, जमिनीची किंमत ही कर्जामध्ये वगळली जाते. अर्थात हे फक्त जमीन मालकांसाठी लागू आहे.

🏡गृहविस्तार आणि गृह नूतनीकरण कर्ज :

मोठ्या आणि सुंदर घरामध्ये राहणे हे सर्वांचे स्वप्न असते. मात्र बर्याचदा घर बांधताना वा खरेदी करताना काही कारणांमुळे ग्राहकाला हवी तशी रचना आणि सेट-अप मिळू शकत नाहीआपण वाचत आहात माहिती सेवा ग्रूप पेठवडगावची पोस्ट, त्याला काही काळाने घर सजवायचे झाल्यास वा घराचा विस्तार करावयाचा झाल्यास हे कर्ज मिळू शकते.

🏡पुनर्वित्तीकरण :

काही विशिष्ट परिस्थितींमध्ये एखाद्याने स्वत:च्या आर्थिक बचतीसह एक मालमत्ता खरेदी केली असेल आणि त्यासोबत येणारी आर्थिक तरलता परत मिळविण्याची इच्छा असेल तर ते घर खरेदीसाठी, उभारणीसाठी किंवा विस्तारित करण्यासाठी आधीच खर्च केलेल्या रकमेची परतफेड करू शकतात. कर्ज देणार्या संस्थांमध्ये सामान्यत: या कर्जाच्या वर्गणीत काही कलमे असतात. या कलमांमध्ये वेळेची मर्यादा आणि कर्ज अर्जावरील मर्यादाही नमूद केलेल्या असतात.

🏡गृहकर्जावरील ‘टॉप-अप’:

गृह कर्जावरील ‘टॉप-अप’ या सुनिधअंतर्गत, कर्जदार आपल्या गृहकर्ज रकमेपेक्षा जास्त असलेली एक निश्चित रक्कम मिळवू शकतात. कर्जदाराचे सध्याचे गृहकर्ज ज्या संस्थेकडचे आहे, त्याच संस्थेकडे ‘टॉप-अप’ कर्जासाठी अर्ज करता येतो. या कर्जाचा उपयोग कोणत्याही वैयक्तिक कारणासाठी केला जाऊ शकतो.

🏡गृहकर्जाच्या शिलकीचे हस्तांतरण :

ग्राहकास एका वित्तीय संस्थेकडून दुसर्या संस्थेकडे गृहकर्जाचे हस्तांतरण करता येते. अन्य संस्थांद्वारे दिलेल्या व्याजदरांनुसार यात बदलही करता येतो. एखाद्याने गृहकर्जावरील व्याजदर कोणत्याही चालू योजनेसाठी किंवा चांगल्या गुणवत्तेसाठीवापरला, तर अशा कारणांसाठी दुसर्या कर्जाचे हस्तांतरण करता येऊ शकते.(लेखक ‘आर्ट अफोर्डेबल हाऊसिंग फायनान्स’चे सीईओ आहेत).

______________________________