शिराळा किल्ला

  शिराळा किल्ला 

फेसबुक लिंक http://bit.ly/2Z1xVNL

शिराळा हे गाव सांगली जिल्ह्यातील शिराळा तालुक्याचे मुख्य ठिकाण आहे.शिराळ्यात अनेक देव-देवतांची मंदिरे असल्याने गावास श्री-आलय हे नाव होते .त्याचा अपभ्रंश होऊन शिराळा हे नाव रूढ झाले या गावास बत्तीस शिराळा किंवा ३२ शिराळा या नावांनीही ओळखले जाते. छत्रपती शिवाजी महाराजांच्या काळात शिराळ्याच्या परिसरातील ३२ खेड्यांचा महसूल येथील भुईकोट किल्ल्यावर जमा केला जात होता,म्हणून शिराळा गावास बत्तीस शिराळा हे नाव पडले.

सह्याद्रीच्या मुशीत अन् मोरणा-वारणा नद्यांच्या कुशीत, पुरातन निसर्गरम्य म्हणून शिराळा गावाकडे पहिले जाते .गोरक्षनाथांच्या वास्तव्याने ते पुरातन ठरते. येथील नागपंचमी भारतात प्रसिद्ध आहे.तसेच भुईकोट किल्ल्याच्या साक्षीने ते ऐतिहासिक महत्व आहे.शिराळ्याचा उल्लेख इ.स .९००च्या पूर्वीपासून आढळतो. छत्रपती संभाजी महाराज यांच्या आयुष्यातील बराच काळ येथे गेला आहे. छत्रपती संभाजी महाराजांना पकडून नेताना त्यांना सोडवण्याचा प्रयत्न फक्त शिराळ्याच्या भुईकोट किल्ल्यावर झाला. त्याचे नेतृत्व किल्लेदार पिलाजी देशमुख आणि दीक्षित यांनी केले होते पण त्यामध्ये ते अपयशी  झाले.                                                          इतिहास                                          शिराळ्याचा उल्लेख इ.स. ९००च्या पूर्वीपासून आढळतो. इथे असणारे अंबामातेचे मंदिर, समर्थ रामदासांनी स्थापन केलेले मारुतीचे मंदिर, गोराक्षनाथानी इथे केलेले वास्तव्य, इथे असणारी पुरातन मंदिरे, या गावात महाराजांच्या काळात गोळा होत असलेल्या ३२ गावांच्या महसुलामुळे या गावाला पडलेले नाव म्हणजेच बत्तीस शिराळा. छत्रपती संभाजी महाराजांना गणोजी शिर्के आणि मुकर्रबखान यांनी पकडले तेव्हा शिराळ्यात त्यांचा एक मुक्काम पडला होता. तेव्हा शिराळा गावच्या इनामदार आणि किल्ल्याचे किल्लेदार तुलाजी देशमुख आणि गावाचे दीक्षित यांनी त्यांना सोडवण्याचा एकमेव प्रयत्न केला होता; पण त्यात ते अयशस्वी झाले.                                                                           

⛳पहाण्याची ठिकाणे:-                               

 शिराळा हे गाव नागपंचमीच्या दिवशी, येथील गावकऱ्यांच्या, जिवंत नाग पकडून त्याची पूजा करण्याच्या रिवाजामुळे जगभर प्रसिद्ध आहे. या गावात समर्थ रामदास स्वामी यांनी इ.स १६४५ साली स्थापन केलेले मारुतीचे मंदिरही आहे.शिराळा हे राष्ट्रीय महामार्ग क्र. ४ वरील पेठ नाक्यापासून १५ किलोमीटर अंतरावर आहे. ते मुंबई पासून ३५० किलोमीटरवर आणि कोल्हापूर पासून ५५ किलोमीटर अंतरावर आहे.पेठवडगाव पासुन आम्हास हे अंतर ३८ किमी पडले.भुईकोट किल्ला म्हणुन या किल्ल्यावर एखादी फेरी मारण्यास हरकत नाही.
माहिती सेवा ग्रूप पेठवडगाव
9890875498