मानवी चेहरयाचा गणपती
जन्मापासून आपली पहिली ओळख होते ती ' बाप्पा मोरया ' शीच! लौकीक जीवनातील विद्याभ्यासाची सुरुवातही ' श्रीगणेशा ' नेच होते. हा गणेश आहे शिव आणि पार्वतीचा पुत्र. शिव म्हणजे सौंदर्य , मांगल्य , पावित्र्य आणि पार्वती म्हणजे शक्ती.गणपती म्हटले की त्याला हत्तीचे तोंड असते म्हणुन तर त्याला "गजवदन" म्हणतात. भारतातच नव्हे तर जगात जेवढी गणेश मंदिर आहेत तेथे गणपतीला हत्तीच्या तोंड असलेल्या रूपातच ही मंदिरे आहेत. पण तामिळनाडू मधील "तीलतर्पणपुरी" गावात गणपतीचे मंदिर असुन तेथील गणपतीला मानवी चेहरा आहे.गणेशाला हत्तीचे मुख मिळण्यापूर्वी गणेशाचे रूप ही मूर्ती दर्शविते.
या गावाला "तीलतर्पण" का म्हटले जाते तर .तीलतर्पणचा अर्थ म्हणजे पूर्वजांना समर्पित केलेले. पुरी म्हणजे नगर.
यामुळे भाविक येथे पितरांना शांती मिळावी म्हणून पूजा करतात.हे मंदिर याच कारणासाठी प्रसिद्ध आहे.