म्हणुन मादी मांजराला पण मिशा असतात
आपण घरात मांजर पाळतो कधी त्याच्याकडे बारकाईने पाहिले आहे का? की मांजराला भरदार मिशा असतात.फक्त नरालाच नव्हे तर मादी मांजराला देखील मिशा असतात. मांजराला मिशा या त्यांचा तोंडाच्या दोन्ही बाजूंना,हनुवटीवर,डोळ्यावर कानात, पुढील पंजाच्या अंगठ्यापाशी असतात.या मिशांचा उपयोग मांजराला खुप होतो.प्राणीशास्त्रामध्ये त्यांना "vibrissae" म्हटले आहे.
मांजराच्या मिशा बाकी केसंपेक्षा जाड असतात आणि त्यांचं मूळ त्वचेत बरच खोलवर असते.या मुळाशी बऱ्याच रक्तवाहिन्या आणि मज्जातंतू असतात.त्यामुळे या मिशा अतिशय संवेदनशील असतात. त्यामुळे त्या हवेची छोटीशी हालचाल सुद्धा टिपू शकतात.मांजराच्या मिशांना हवेतील दाब चटकन ओळखता येत असल्यामुळें,सावजाची शिकार करत असलेल्या प्राण्याची जागा व हालचाल मांजर अचूक समजू शकतात..मांजरीच्या मिशा अतिशय संवेदनशील असतात. मिशामुळे हवेतील अगदी किंचित हालचालदेखील त्यांना जाणवते.आणि जवळपासच्या वस्तु अगदी अंधारातही मांजरी ओळखू शकतात.
एखाद्या छोट्या जागेत आपण जाऊ शकू का? याचा निश्चित अंदाज मांजराला मिशा मुळे येतो.म्हणजे आपण एखाद्या बोळात मोटरसायकलने जाताना त्याचे हॅन्डल जाते का, याचा जसा अंदाज घेतो तसाच अंदाज मांजरे घेतात.मिशाच्यां स्पर्शातून छोट्या जागेच्या रुंदीचा मांजराला एकदम अचूक अंदाज येतो.थोडक्यात मिशामुळे "बॅलन्स"साधता येतो.सावजाची शिकार करतेवेळी मांजर या मिशा एकत्र मिळून मांजराचा चेहर्या भोवती एक परीघ बनवतात की त्या परिघामध्ये होणारी छोट्यात छोटी हालचाल पण मांजराला व्यवस्थित समजते. एन्सायक्लोपिडिआ ब्रिटानिका या विश्वकोशात असं म्हटलं आहे, की मांजरीच्या मिशांचा त्यांना किती फायदा होतो हे अजून पूर्णपणे समजलेलं नाही. पण जर का मांजराच्या मिशा कापल्या तर, त्या पुन्हा येईपर्यंत मांजराला एक प्रकारे अपंगत्व येते.
कोरा लिंक: http://bit.ly/3pfkbwZ anil patil यांनी दिलेले उत्तर