गाडीचा ब्रेक फेल झाला तर काय करावे?

तुम्ही गाडी चालवताना गाडीला कधी काय होईल काय  हे सांगता येत नाही.काहीही होऊ शकते यासाठी गाडी व्यवस्थित चालवयला येणे आवश्यक आहे. कारण गाडी चालवताना  एक चूक महागात पडू शकते. कार चालवताना गाडीला काय होईल, कोणता पार्ट कधी खराब होईल  हे सांगता येत नाही.

समजा गाडी चालवताना ब्रेक फेल झाला तर काय होईल? हा विचार तुम्ही कधी केला आहे काय?

आज तुम्हाला याचीच  माहिती देत आहोत. ही माहिती तुम्हाला असेल तर ती स्थिती तुम्ही व्यवस्थितरित्या हाताळू शकाल. खूप कमी जणांना अशा ट्रिक माहिती आहेत की ब्रेक फेल झाला तर काय करावं वा काय करू नये.  कदाचित जर भविष्यात तुम्हीही अशा परिस्थितीत अडकला तर पुढे दिलेल्या टिप्स तुमच्या कामी येतील.त्या अवश्य वापरा.

अशी कार कंट्रोल करा-

गाडी चालवत असताना

तुमच्या गाडीचा ब्रेक फेल झाला तर घाबरू नका. हळूहळू गाडीचे गियर आणि वेग कमी करा. जर तुम्ही गाडी टॉप गियरमध्ये चालवत असाल तर आधी वेग कमी कमी करत गियर खाली करा. पण असे करताना एका झटक्यात पाचव्या गियरवरून पहिल्या गियरमध्ये आणू नका. यामुळे अपघात होण्याची शक्यता जास्त असते. या दरम्यान वारंवार ब्रेक दाबत राहा. असं केल्याने ब्रेकला प्रेशर मिळतं आणि तो काम करू लागतो.

हँडब्रेक वापरा- कारचा वेग नियंत्रणात येत आहे असे वाटल्यानंतर गाडी दुसऱ्या गियरमध्ये आणा. वेग ४० किमी प्रतितास असल्यास हँडब्रेक खेचून गाडी थांबवू शकता. पण अशा वेळी मागून कोणतं वाहन येत नाही ना हे अवश्य पाहा. दुसरीकडे गाडीचा वेग जास्त असताना हँडब्रेक खेचला तर गाडी पलटी होऊ शकते हे लक्षात ठेवा.

इमर्जन्सी लाइट आणि हॉर्न- तुम्हाला जाणव लं की  गाडीचा ब्रेक फेल झाला आहे तर हॅजार्ड लाइट्स लावा. यामुळे मागून येणाऱ्या गाडीला सूचना मिळेल. दुसऱ्या वाहनांना हॉर्न, इंडिकेटर आणि हेडलँप्स-डिपरच्या मदतीने इशारा करुन सावध करा

रिव्हर्स गियर टाकू नका- गाडी ब्रेक फेल झालेल्या  स्थितीत कार चुकूनही रिव्हर्स गियरमध्ये टाकू नका. यामुळे अपघात होण्याची शक्यता आहे. त्याचबरोबर एक्सलेटरचा वापर करू नका आणि फक्त क्लचचा वापर करा. अशा स्थितीत तुम्ही एसी ऑन करा. त्यामुळे इंजिनवर दाब वाढेल आणि वेग कमी होईल.