🐬 मानवी चेहरयाचा मासा🐬

मानवी चेहरयाचा मासा आढळला 

क्वालालंपूर :मलेशिया

आपले जग हे अनेक गूढ रहस्यांनी भरलेले आहे. असे असले तरी अनेक रहस्ये अशी आहेत की, त्यावरचा पडदा मात्र अद्याप हटलेला नाही. अशीच एक घटना मलेशियात उघडकीस आली आहे. या देशातील ग्रामीण भागात असलेल्या एका नदीत चक्क मानवी चेहर्‍याचा मासा सापडला आहे. या माशाच्या तोंडाची रचना हुबेहूब मानवी चेहर्‍यासारखी असल्याने पाहणारा प्रत्येकजण अचंबित होत आहे.

या माशाचे दात आणि ओठ हुबेहूब मानवासारखेच दिसतात. ज्यावेळी या माशाची छायाचित्रे सोशल मीडियाावर व्हायरल झाली, तेव्हा पाहणारा प्रत्येकजण आश्चर्यचकित झाला. शास्त्रज्ञांच्या मते, मलेशियात आढळलेला हा मासा ‘ट्रिगर फिश’ असून या प्रजातीचे मासे प्रामुख्याने दक्षिण-पूर्व आशियातील जलस्थानी आढळतात. मलेशियातील नदीत हा मासा दिसताच तेथील लोक आश्चर्यचकित झाले. कारण त्याचा चेहरा हा मानवी चेहर्‍याशी मिळताजुळता होता. या लोकांनी या माशाची छायाचित्रे काढली आणि सोशल मीडियावर व्हायरल केली.

दरम्यान, मानवी चेहर्‍याशी मिळतेजुळते मासे यापूर्वी लंडन आणि दक्षिण चीनमध्येही आढळून आले आहेत. लंडनमध्ये आढळलेल्या माशाला मानवासारखेच तोंड, डोळे आणि नाक होते; तर चीनमध्येही अशाच प्रकारचा मिळताजुळता मासा आढळला होता.